ក្តៅៗពេលនេះ!!! ស្តាតអូឡាំពិក មានចោរកម្មសាហាវណាស់ ដល់ថ្នាក់ប្លន់ទាំងថ្ងៃតែម្តង
ភ្នំពេញៈ ពហុកីឡដ្ឋានជាតិ ឬហៅថា ស្តាតអូឡាំពិក ជាទីតាំងសំណង់ចំណាស់ប្រវត្តិសាស្ត្រមួយស្ថិតនៅក្រោមការគ្រប់គ្រងរបស់ក្រសួងអប់រំ យុវជន និងកីឡា សម្រាប់ប្រើប្រាស់ក្នុងសកម្មភាពភាពកីឡា និងសម្រាប់ជួលឲ្យក្រុមហ៊ុនឯកជនសម្តែងសិល្បៈ ព្រមទាំងការធ្វើពាណិជ្ជកម្មផ្សេងៗទៀត ជាញឹកញាប់ ប៉ុន្តែការរក្សាសណ្តាប់ធ្នាប់គ្រប់គ្រងអនាម័យ ព្រមទាំងអំពើចោរកម្ម តែងតែកើតមានឡើងជាបន្តបន្ទាប់ ចំណែកក្រុមសន្តិសុខភាគច្រើន រវល់ផ្តោតតែទៅលើការយកលុយថ្លៃផ្ញើម៉ូតូ ឡាន ជាចម្បង ហើយការបាត់បង់សម្ភារ និងម៉ូតូមួយចំនួន គ្មានអ្នកទទួលខុសត្រូវ។
ជាក់ស្តែង កាលពីថ្ងៃទី ១២ ខែតុលា ថ្មីៗនេះ មានកើតករណីវាយប្លន់យកប្រាក់ និងទូរស័ព្ទទៅលើស្ត្រីវ័យ ៤០ ប្លាយម្នាក់ ដែលជាមន្ត្រីបម្រើការងារនៅអគ្គនាយកដ្ឋានកីឡា ដ៏គួរឲ្យរន្ធត់មួយ នៅពហុកីឡដ្ឋានជាតិ គឺជនមិនស្គាល់មុខ បានវាយឲ្យគាត់បែកក្បាលឈាមស្រោចពេញមុខ និងដួលសន្លប់ នៅក្បែរវិមានពហុកីឡដ្ឋានជាតិ ខណៈស្ត្រីរូបនោះ កំពុងចាក់សោម៉ូតូបម្រុងនឹងជិះទៅផ្ទះ។
យ៉ាងណាក៏ដោយ ស្ត្រីម្នាក់ ដែលជាសាច់ញាតិរបស់ជនរងគ្រោះក្នុងករណីប្លន់នោះ បានប្រាប់ប្រព័ន្ធផ្សព្វផ្សាយ ដោយសុំមិនបញ្ចេញឈ្មោះថា ស្ត្រីរងគ្រោះនោះឈ្មោះ មោញ ស៊ីវន ហើយគាត់ពិតជាត្រូវបានជនមិនស្គាល់មុខវាយបែកក្បាលពិតមែន ដែលនេះជាករណីប្លន់ ព្រោះបន្ទាប់ពីវាយគាត់ឲ្យសន្លប់ហើយ ជនល្មើសបានយកប្រាក់ជាង ៧០ ម៉ឺនរៀល និងទូរស័ព្ទ IPhone ២ គ្រឿង រត់បាត់ស្រមោល ប៉ុន្តែ ជនល្មើសនោះ មិនបានយកម៉ូតូរបស់ជនរងគ្រោះនោះទេ។
បន្ថែមលើករណីថ្មី គឺការវាយប្លន់យកប្រាក់ និងទូរស័ព្ទរបស់អ្នកស្រី មោញ ស៊ីវន ពីសំណាក់ជនល្មើសមិនស្គាល់មុខនេះ គឺកន្លងមកមានកីឡាករ កីឡាការិនី និងភ្ញៀវដែលមកទាក់ទងផ្នែកកីឡានៅពហុកីឡដ្ឋានជាតិមួយចំនួន បានបាត់ម៉ូតូជាបន្តបន្ទាប់ ក្នុងនោះក៏មានកីឡាករ វ៉ន វីវ៉ា ផងដែរ ហើយកាលពីពេលថ្មីៗនេះ មានកីឡាករជម្រើសជាតិគុនខ្មែរ ឡៅ ចិត្ត្រា កីឡាការិនីប្រដាល់សកល វី ស្រីខួច បានបាត់ម៉ូតូ នៅក្នុងកន្លែងជម្រើសជាតិតែម្តង ខណៈដែលជនសង្ស័យត្រូវគេស្គាល់មុខ ស្គាល់ឈ្មោះ និងធ្លាប់ជាកីឡាករថ្នាលប្រដាល់សកល ប៉ុន្តែចាប់មិនបានទៀត។
កីឡាការិនី វី ស្រីខួច បានប្រាប់ភ្នំពេញ ប៉ុស្តិ៍ ថា កាលពីថ្ងៃទី ២៧ ខែកញ្ញា ឆ្នាំ ២០១៧ ចោរលួចម៉ូតូរបស់នាងពីកន្លែងហ្វឹកហាត់ជម្រើសជាតិតែម្តង។ កញ្ញាបន្តថា៖ «ជីវភាពគ្រួសារខ្ញុំក្រណាស់ គឺមានតែម៉ូតូមួយគ្រឿងនេះ គ្រាន់ជិះពីឃុំស្វាយរលំ ស្រុកស្អាង មកហាត់នៅពហុកីឡដ្ឋានជាតិ ក្រុងភ្នំពេញ ជាមួយក្រុមជម្រើសជាតិ ប៉ុន្តែនៅពេលចោរលួចបាត់ទៀត ធ្វើឲ្យរូបខ្ញុំកាន់តែលំបាក ដោយខ្ញុំបានជិះតុកតុក មកហាត់ទាំងលំបាកលំបិន ធ្វើឲ្យមានអារម្មណ៍មិនមូលល្អសោះ»។
ស្រីខួច បានបន្តថា៖ «ជីវភាពគ្រួសាររបស់នាងខ្ញុំ មានប្រាក់ចំណូលរស់បាន ដោយសារការប្រកួតកីឡា ដោយខ្ញុំធ្លាប់លេងកីឡាប្រយុទ្ធ បានឈ្នះមេដាយ និងប្រាក់រង្វាន់ ដូចជាកីឡាវ៉ូវីណាមប្រដាល់សកល និងប្រដាល់គុនខ្មែរជាដើម»។ ជាមួយគ្នានេះ ស្រីខួច បានស្នើសុំឲ្យថ្នាក់ដឹកនាំ និងសមត្ថកិច្ច មេត្តាជួយរកម៉ូតូឲ្យនាងបានជិះមកហាត់វិញផង ដើម្បីបន្តជីវភាពជាអ្នកប្រដាល់ ដែលធ្លាប់ល្បីមួយរូបដែរ។
ទាក់ទងនឹងករណីបាត់ម៉ូតូនេះលោក វ៉ែន សុផល គ្រូប្រដាល់សកលជម្រើសជាតិ បានប្រាប់ថា៖«វី ស្រីខួច បានបាត់ម៉ូតូ ហើយជនសង្ស័យបានគេចខ្លួនបាត់ វាមានឈ្មោះ ស៊ុយ ចំណាន ជាកីឡាករជម្រើសជាតិផ្នែកថ្នាល មិននៅក្រោមការគ្រប់គ្រងរបស់ខ្ញុំទេ គឺក្រោមការគ្រប់គ្រងរបស់លោកគ្រូ អាត សំរិទ្ធ និងលោក ឡុង ស៊ីលីន ស្ថិតក្នុងក្រុមឈុតតូច»។
ការគ្រប់គ្រងទីតាំងស្តាតអូឡាំពិក កំពុងក្លាយជាភាពអនាធិបតេយ្យ ដោយសារក្រុមសន្ដិសុខគ្មានសមត្ថភាពបំបាត់ចោរកម្ម ឯអ្នកគ្រប់គ្រងផ្តោតទៅលើតែប្រាក់ចំណូលបានមកពីការប្រើប្រាស់ស្តាតច្រើនជាងគិតគូរពីសណ្តាប់ធ្នាប់ និងចោរកម្ម ព្រោះក្នុង ១ ឆ្នាំមានករណីបាត់ម៉ូតូមិនតិចជាង ១០ លើក និងមានករណីចោរកម្មផ្សេងៗទៀតផង។ ប៉ុន្តែមហាជនភាគច្រើន ក្នុងរាជធានីភ្នំពេញ នៅតែពេញចិត្តមកហាត់ប្រាណរាល់ព្រឹក និងល្ងាច នៅស្តាតអូឡាំពិក ព្រោះវាជាសំណង់ប្រវត្តិសាស្ត្រ បម្រើផ្នែកកីឡាដ៏ល្អតាំងពីសង្គមរាស្ត្រនិយមមក។
លោក ស៊ឹម យ៉េន អាយុ ៧០ ឆ្នាំ បាននិយាយថា៖ «ខ្ញុំមកហាត់ប្រាណនៅក្នុងស្តាតនេះយូរឆ្នាំមកហើយ ព្រោះភ្នំពេញយើង វាចង្អៀត មានតែទីនេះជាទីប្រជំជនបានហាត់ប្រាណស្រួល ប៉ុន្តែអ្នកគ្រប់គ្រងទីនេះបើកឲ្យមានមនុស្សលេងកីឡាតាមផ្លូវដើរពេញទាំងអស់ ពិសេសការជួលទីធ្លាក្នុងស្តាតមួយចំនួនឲ្យមានសម្តែងសិល្បៈ លក់សម្ភារៈ ក្រុមហ៊ុនផ្សព្វផ្សាយពាណិជ្ជកម្ម ក្រៅពីសកម្មភាពកីឡា សឹងតែរាល់សប្តាហ៍។ ហេតុនេះខ្ញុំគិតថា ការយកទីតាំងស្តាត សម្រាប់តែបម្រើផលប្រយោជន៍ជួលយកលុយក្រៅពីសកម្មភាពកីឡា គួរតែឈប់ទៅ»៕
ប្រភព៖ Post Khmer
ជាក់ស្តែង កាលពីថ្ងៃទី ១២ ខែតុលា ថ្មីៗនេះ មានកើតករណីវាយប្លន់យកប្រាក់ និងទូរស័ព្ទទៅលើស្ត្រីវ័យ ៤០ ប្លាយម្នាក់ ដែលជាមន្ត្រីបម្រើការងារនៅអគ្គនាយកដ្ឋានកីឡា ដ៏គួរឲ្យរន្ធត់មួយ នៅពហុកីឡដ្ឋានជាតិ គឺជនមិនស្គាល់មុខ បានវាយឲ្យគាត់បែកក្បាលឈាមស្រោចពេញមុខ និងដួលសន្លប់ នៅក្បែរវិមានពហុកីឡដ្ឋានជាតិ ខណៈស្ត្រីរូបនោះ កំពុងចាក់សោម៉ូតូបម្រុងនឹងជិះទៅផ្ទះ។
ប៉ុន្តែហេតុការណ៍វាយប្លន់ដ៏អាក្រក់ និងគួរឲ្យភ័យខ្លាច ដែលបានកើតឡើងទាំងកណ្តាលថ្ងៃត្រង់នោះ ត្រូវបានមន្ត្រី និងថ្នាក់ដឹកនាំ ដែលគ្រប់គ្រងនៅពហុកីឡដ្ឋានជាតិ មួយចំនួន ហាមប្រាម និងបិទបាំងព័ត៌មាននេះមិនឲ្យបែកធ្លាយមកក្រៅនោះទេ ព្រោះពួកគេខ្លាចថ្នាក់លើមានវិធានការ នាំឲ្យបាត់បង់ប្រយោជន៍ផ្ទាល់ខ្លួនអ្វីម្យ៉ាង។ ទង្វើបែបនេះ ត្រូវបានគេរិះគន់ថា វាហាក់បីដូចខ្លាចលោកចោរអន់ចិត្ត!។
យ៉ាងណាក៏ដោយ ស្ត្រីម្នាក់ ដែលជាសាច់ញាតិរបស់ជនរងគ្រោះក្នុងករណីប្លន់នោះ បានប្រាប់ប្រព័ន្ធផ្សព្វផ្សាយ ដោយសុំមិនបញ្ចេញឈ្មោះថា ស្ត្រីរងគ្រោះនោះឈ្មោះ មោញ ស៊ីវន ហើយគាត់ពិតជាត្រូវបានជនមិនស្គាល់មុខវាយបែកក្បាលពិតមែន ដែលនេះជាករណីប្លន់ ព្រោះបន្ទាប់ពីវាយគាត់ឲ្យសន្លប់ហើយ ជនល្មើសបានយកប្រាក់ជាង ៧០ ម៉ឺនរៀល និងទូរស័ព្ទ IPhone ២ គ្រឿង រត់បាត់ស្រមោល ប៉ុន្តែ ជនល្មើសនោះ មិនបានយកម៉ូតូរបស់ជនរងគ្រោះនោះទេ។
បន្ថែមលើករណីថ្មី គឺការវាយប្លន់យកប្រាក់ និងទូរស័ព្ទរបស់អ្នកស្រី មោញ ស៊ីវន ពីសំណាក់ជនល្មើសមិនស្គាល់មុខនេះ គឺកន្លងមកមានកីឡាករ កីឡាការិនី និងភ្ញៀវដែលមកទាក់ទងផ្នែកកីឡានៅពហុកីឡដ្ឋានជាតិមួយចំនួន បានបាត់ម៉ូតូជាបន្តបន្ទាប់ ក្នុងនោះក៏មានកីឡាករ វ៉ន វីវ៉ា ផងដែរ ហើយកាលពីពេលថ្មីៗនេះ មានកីឡាករជម្រើសជាតិគុនខ្មែរ ឡៅ ចិត្ត្រា កីឡាការិនីប្រដាល់សកល វី ស្រីខួច បានបាត់ម៉ូតូ នៅក្នុងកន្លែងជម្រើសជាតិតែម្តង ខណៈដែលជនសង្ស័យត្រូវគេស្គាល់មុខ ស្គាល់ឈ្មោះ និងធ្លាប់ជាកីឡាករថ្នាលប្រដាល់សកល ប៉ុន្តែចាប់មិនបានទៀត។
កីឡាការិនី វី ស្រីខួច បានប្រាប់ភ្នំពេញ ប៉ុស្តិ៍ ថា កាលពីថ្ងៃទី ២៧ ខែកញ្ញា ឆ្នាំ ២០១៧ ចោរលួចម៉ូតូរបស់នាងពីកន្លែងហ្វឹកហាត់ជម្រើសជាតិតែម្តង។ កញ្ញាបន្តថា៖ «ជីវភាពគ្រួសារខ្ញុំក្រណាស់ គឺមានតែម៉ូតូមួយគ្រឿងនេះ គ្រាន់ជិះពីឃុំស្វាយរលំ ស្រុកស្អាង មកហាត់នៅពហុកីឡដ្ឋានជាតិ ក្រុងភ្នំពេញ ជាមួយក្រុមជម្រើសជាតិ ប៉ុន្តែនៅពេលចោរលួចបាត់ទៀត ធ្វើឲ្យរូបខ្ញុំកាន់តែលំបាក ដោយខ្ញុំបានជិះតុកតុក មកហាត់ទាំងលំបាកលំបិន ធ្វើឲ្យមានអារម្មណ៍មិនមូលល្អសោះ»។
ស្រីខួច បានបន្តថា៖ «ជីវភាពគ្រួសាររបស់នាងខ្ញុំ មានប្រាក់ចំណូលរស់បាន ដោយសារការប្រកួតកីឡា ដោយខ្ញុំធ្លាប់លេងកីឡាប្រយុទ្ធ បានឈ្នះមេដាយ និងប្រាក់រង្វាន់ ដូចជាកីឡាវ៉ូវីណាមប្រដាល់សកល និងប្រដាល់គុនខ្មែរជាដើម»។ ជាមួយគ្នានេះ ស្រីខួច បានស្នើសុំឲ្យថ្នាក់ដឹកនាំ និងសមត្ថកិច្ច មេត្តាជួយរកម៉ូតូឲ្យនាងបានជិះមកហាត់វិញផង ដើម្បីបន្តជីវភាពជាអ្នកប្រដាល់ ដែលធ្លាប់ល្បីមួយរូបដែរ។
ទាក់ទងនឹងករណីបាត់ម៉ូតូនេះលោក វ៉ែន សុផល គ្រូប្រដាល់សកលជម្រើសជាតិ បានប្រាប់ថា៖«វី ស្រីខួច បានបាត់ម៉ូតូ ហើយជនសង្ស័យបានគេចខ្លួនបាត់ វាមានឈ្មោះ ស៊ុយ ចំណាន ជាកីឡាករជម្រើសជាតិផ្នែកថ្នាល មិននៅក្រោមការគ្រប់គ្រងរបស់ខ្ញុំទេ គឺក្រោមការគ្រប់គ្រងរបស់លោកគ្រូ អាត សំរិទ្ធ និងលោក ឡុង ស៊ីលីន ស្ថិតក្នុងក្រុមឈុតតូច»។
ការគ្រប់គ្រងទីតាំងស្តាតអូឡាំពិក កំពុងក្លាយជាភាពអនាធិបតេយ្យ ដោយសារក្រុមសន្ដិសុខគ្មានសមត្ថភាពបំបាត់ចោរកម្ម ឯអ្នកគ្រប់គ្រងផ្តោតទៅលើតែប្រាក់ចំណូលបានមកពីការប្រើប្រាស់ស្តាតច្រើនជាងគិតគូរពីសណ្តាប់ធ្នាប់ និងចោរកម្ម ព្រោះក្នុង ១ ឆ្នាំមានករណីបាត់ម៉ូតូមិនតិចជាង ១០ លើក និងមានករណីចោរកម្មផ្សេងៗទៀតផង។ ប៉ុន្តែមហាជនភាគច្រើន ក្នុងរាជធានីភ្នំពេញ នៅតែពេញចិត្តមកហាត់ប្រាណរាល់ព្រឹក និងល្ងាច នៅស្តាតអូឡាំពិក ព្រោះវាជាសំណង់ប្រវត្តិសាស្ត្រ បម្រើផ្នែកកីឡាដ៏ល្អតាំងពីសង្គមរាស្ត្រនិយមមក។
លោក ស៊ឹម យ៉េន អាយុ ៧០ ឆ្នាំ បាននិយាយថា៖ «ខ្ញុំមកហាត់ប្រាណនៅក្នុងស្តាតនេះយូរឆ្នាំមកហើយ ព្រោះភ្នំពេញយើង វាចង្អៀត មានតែទីនេះជាទីប្រជំជនបានហាត់ប្រាណស្រួល ប៉ុន្តែអ្នកគ្រប់គ្រងទីនេះបើកឲ្យមានមនុស្សលេងកីឡាតាមផ្លូវដើរពេញទាំងអស់ ពិសេសការជួលទីធ្លាក្នុងស្តាតមួយចំនួនឲ្យមានសម្តែងសិល្បៈ លក់សម្ភារៈ ក្រុមហ៊ុនផ្សព្វផ្សាយពាណិជ្ជកម្ម ក្រៅពីសកម្មភាពកីឡា សឹងតែរាល់សប្តាហ៍។ ហេតុនេះខ្ញុំគិតថា ការយកទីតាំងស្តាត សម្រាប់តែបម្រើផលប្រយោជន៍ជួលយកលុយក្រៅពីសកម្មភាពកីឡា គួរតែឈប់ទៅ»៕
Comments
Post a Comment