ដល់កហើយពេលនេះ លោក ម៉ៃ សុគន្ធ ប្រើពាក្យប៉ុន្មានម៉ាត់ជូន អនុបណ្ឌិត ឈិន សីហា ស្តាប់ហើយញាក់សាច់ម៉ង

កាលពីពេលថ្មីៗនេះ ប្រហែលជាមានបងប្អូនបានជ្រាបរួចមកហើយ នូវរឿងរ៉ាវមួយដែលកំពុងផ្ទុះកក្រើកខ្លាំង ទាក់ទងបុគ្គលម្នាក់ ដែលបានដាក់ងារ "អនុបណ្ឌិត" នៅខាងមុខឈ្មោះថារបស់គាត់។ រឿងមួយនេះបានធ្វើឲ្យមានមហាជនមួយចំនួនមានការរិះគន់យ៉ាងចាស់ដៃ ហើយក៏មានអ្នកខ្លះថា គ្រាន់តែគេដាក់ងារប៉ុណ្ណឹង តើមានទាស់ខុសត្រង់ណាទៅ វាជាសិទ្ធិរបស់បុគ្គលទេ។ ដោយសារតែរឿងមួយនេះ កក្រើកខ្លាំងពេក ទើបធ្វើឲ្យម្ចាស់ឈ្មោះមួយនេះ បានបង្ហោះសារមួយ អាចទំនងឆ្លើយតបទៅហ្នឹងរឿងខាងលើ ដោយថាឲ្យខ្លាំងៗ ព្រោះទ្រាំមិនបាននូវការរិះគន់ទាំងនេះ។

បន្ទាប់ពីឃើញសាររបស់ អនុបណ្ឌិត ឈិន សីហា ហើយ បានធ្វើឲ្យលោក ម៉ៃ សុគន្ធ​ ទ្រាំមិនបាន ក៏បង្ហោះសារមួយផងដែរថា៖ "ថាមិនទើសជាមួយទេតែវាលើសពេកមេចខ្លាចគេមិនដឹងថាខ្លួនចេះមែន មនុស្សចេះពិតសង្គមគង់ទទួលស្គាល់(ឆ្កែព្រូសវាមិនដែលខាំ) ទឹកស្ងប់គេមិនដឹងជំរៅណាទេ តែបើទឹកមាត់ត្រីកំផ្លៀញវិញ ដឹងហើយថាអត់ត្រីតែម្តង 😏អួតថាខ្លួនឯងនិងមិនសូវអើពើនិងពត៌មានស្អុយ តែសម្តីលោកបណ្ឌិតចរឹកលោកបណ្ឌិតចេញមកស្អុយលើស💩ទៅទៀត លោកថាឆ្កែល្អគោរពម្ចាស់គួរឲ្យស្រលាញ់ តែឆ្កែវាមិនចេះអួតដូចលោកអនុបណ្ឌិតទេ"។

ចំណែកខាងក្រោមនេះវិញជាសារទាំងស្រុង ដែលអនុបណ្ឌិត ឈិន សីហា៖ "តម្លៃសីលធម៌សង្គម Social Moral Value
មនុស្សម្នាក់ៗមានតម្លៃនិងសីលធម៌រស់នៅរៀងៗខ្លួនសម្រាប់សង្គមមួយនេះ។ ការកើតមករបស់មនុស្សមិនមែនដោយចៃដន្យនោះទេ តែសភាវធម៌និងធាតុជួយជំរុញឲ្យកើតឡើងមក។ មនុស្សខ្លះកើតមកនាំមកជាមួយនូវតម្លៃសីលធម៌ សុភាពរាបសារ វិចារណញ្ញាណមកជាមួយជានិច្ច ផ្ទុយទៅវិញមានមនុស្សមួយចំនួនកើតមកនាំយកតែភាពកម្លៅ ល្ងង់ ភាពហៃអើ និងការបំពុលសង្គមមកជាមួយតែម្តង។

ខ្ញុំមិនយល់ថាសីលធម៌នោះជាអ្វីនោះទេ តែគ្រួសារខ្ញុំ លោកគ្រូអ្នកគ្រូ ញាតិមិត្រតែងតែបានផ្តល់យោបល់ដល់ខ្ញុំថា « សីលធម៌គឺធម៌ដែលនាំឲ្យមនុស្សនៅជុំវិញខ្លួនយើងបានសុខ នោះជាសីលធម៌ដ៏ប្រសើរ »។ ខ្ញុំតែងតែទន្ទេញនិងចងចាំជានិច្ចនូវគតិទាំងអស់នេះ។ ខ្ញុំមិនចាត់ទេថា បុគ្គលចំពូកខ្លះមានសីលធម៌ឬគ្មានសីលធម៌ តែសកម្មភាព ទង្វើ ភាពអវិជ្ជមានរបស់ពួកគេវាស្តែងឲ្យឃើញតែម្តង។

មនុស្សគប្បីយល់ឲ្យបានច្បាស់លាស់ពីព៌ត័មាននានាដែលខ្លួនបានជួបប្រទះ ជាជាងបណ្តោយខ្លួនឲ្យធ្លាក់ខ្លួនក្នុងអន្លង់ពាលគឺសេចក្តីមិនល្អដែលសង្គមពុំឲ្យតម្លៃ។ មនុស្សគប្បីព្យាយាមធ្វើសេចក្តីល្អបង្ហាញទៅមនុស្សគ្រប់គ្នា ជាជាងធ្វើសេចក្តីអាក្រក់ជះលើបុគ្គលជុំវិញហើយជម្រាបថានេះជាសេចក្តីល្អពិត។

ភាពច្រណែន ភាពអវិជ្ជា មោហៈ ការធ្វើសកម្មភាពដោយខ្វះការពិចារណា ទាំងអស់នេះបានច្រានបុគ្គុលៗឲ្យធ្លាក់ក្នុងរណ្តៅខ្លៅ រណ្តៅអាប់យស គ្មានការរាប់អានពីរជ្ឈដ្ឋានទួទៅ ពិសេសនឹងធ្វើឲ្យខ្លួនមានវិប្បដិសារីនាពេលខាងមុខ។ បូគ្គលមួយចំនួនទៀតមានការសិក្សាកម្រិតទាប មានការគិតខ្លី សប្បាយមួយពេល ក៏បន្តធ្វើសកម្មភាពចោលម្សៀតជាច្រើនផងដែរទៅតាមចលនាសង្គម ដែលលះបង់នូវសីលធម៌នានាក៏យ៉ាងនោះដែរ។

មនុស្សជាសត្វដែលមានឧត្តមគតិថ្នាក់ខ្ពស់ លើសអស់សត្វដទៃទៀត បើកាលណាសកម្មភាពនានដែលមនុស្សធ្វើឡើងក្បត់ឧត្តមគតិ បាត់បង់នូវសតិសម្បជញ្ញៈហើយ ត្រង់នេះមានន័យថាខ្លួនមនុស្សនោះប្រៀបបាននឹងខ្មោចដែលស្អុយរលួយនៅរស់មិនទាន់ស្លាប់។

ខ្ញុំសូមគោរពតម្លៃនិងស្ងើចសរសើរដល់បុគ្គលដែលរៀនបានខ្ពង់ខ្ពស់នានា ដែលអស់លោកបានចំណាយពេលយ៉ាងច្រើនក្នុងកិច្ចខិតខំសិក្សា ស្រាវជ្រាវ មានសីលធម៌ គុណធម៌ សច្ចធម៌ ចេះដឹងខុសដឹងត្រូវ ស្គាល់កាលវេលា និងទង្វើរបស់ខ្លួន។ ប៉ុន្តែខ្ញុំសោកស្តាយបុគ្គលដែលរៀនសូត្រដែរតែបង្កើតនូវភាពអវិជ្ជានៅក្នុងខ្លួន មើលបុគ្គលដែលល្អជាងខ្លួនថាជាសំរាម ថាជាលាមក បន្តុះបង្អាប់ រិះគន់អ្នកដទៃដោយសេចក្តីខ្លៅដែលខ្លួនមាន។

បុគ្គលមួយចំនួនរៀនសូត្រដល់កម្រិត « បរិញ្ញា អនុបណ្ឌិត បណ្ឌិត ឬដល់បណ្ឌិតរដ្ឋ » មានន័យថាគេសប្បាយរីករាយនូវភាពឧស្សាហ៍ សមត្ថភាព ភាពប៉ិនប្រសប់ ពិសេសតម្លៃនៃការខំប្រឹងរបស់គេ។ ផ្ទុយពីតម្លៃសីលធម៌និងភាពខ្លៅ មនុស្សមួយចំនួនមានចិត្តមិនសប្បាយថែមទាំងមិនត្រេកអរនឹងអ្វីដែលគេមាន ដោយប្រើវិធីចាក់រុក ចែកផ្សាយធម៌ពាល រិះគន់ ដោយឃើញគេប្រសើរជាងខ្លន។

ខ្ញុំសោកស្តាយដែលបានឃើញបុគ្គលខ្លៅមួយចំនួន ដែលពួកគេបានបំប៉ោងសេចក្តីចក្តីពិត សេចក្តីត្រឹមត្រូវរបស់មនុស្ស ដោយមិនយល់ពីអ្វីដែលគេចង់បង្ហាញក្នុងន័យអប់រំនិងជាធនធានរបស់សង្គមក៏បើ។ ខ្ញុំពុំសូវខ្វល់លើព័ត៌មានស្អុយ ភាពមិនពិតរបស់បុគ្គលល្ងង់នោះទេ ពីព្រោះនេះជារឿងរសើបនិងគួរឲ្យអស់សំណើចនិងប្រៀបបានដូចក្មេងបៀមដៃទៅវិញទេ។

សូមអរគុណ Facebook Page ក្រុមអនាមិកគណនី Fake ACC មួយចំនួនដែលបានជួយផ្សព្វផ្សាយនូវព័ត៌មានដែលក្បត់នូវមនសិការខ្លួន ពិសេសបានស្រាតកាយដ៏ស្អុយរបស់ខ្លួន ដើម្បីឲ្យសង្គមនិងអ្នកដែលមានពុទ្ធិដឹងថាបុគ្គលទាំងអស់មានសីលធម៌ ការគិត ទង្វើមិនស្មើនឹងសត្វធាតុផង។

សត្វឆ្កែ ជាសត្វដែលគោរពម្ចាស់និងមានភាពស្មោះត្រង់ចំពោះចៅហ្វាយនាយរបស់វា។ វាជាសត្វគួឲ្យស្រឡាញ់និងចិញ្ចឹម។ តែបើមនុស្សធ្វើខ្លួនឲ្យទៅជាឆ្កែវិញ មានន័យថាអន់ជាឆ្កែទៅទៀត។ សូមកុំតាំងខ្លួនជាមនុស្សឆ្កែ ដោយសារទង្វើអគតិមួយពេលរបស់ខ្លួន។

មួយវិញទៀត មនុស្សមារយាទសេក ឃើញគេថាអ្វីក៏ស្រែកនិងហៃអើតាមគេចាក់ ដោយមិនដឹងថានោះជាអ្វី ពិតឬទេ ច្បាស់ឬអត់ សម្បូរណាស់សេកប្រភេទមនុស្សនេះ។ ចូរធ្វើខ្លួនឲ្យក្លាយជាសេកដែលគួរឲ្យស្រឡាញ់ កុំធ្វើខ្លួនជាសេកដែលគេខ្នាញ់ចង់តែអារ~ក បែបនេះ។

ភ្ញាក់ខ្លួនមិនទាន់ហួសពេលទេ ម្នាលមនុស្សខ្លៅមួយចំនួន សូមធ្វើជាធនធានរបស់សង្គម ចូលរួមអភិវឌ្ឍសង្គមជាតិ ជាជាងបំផ្លាញជាតិតាមរយៈសកម្មភាពឥតប្រយោជន៍របស់ខ្លួន។ សូមកុំមានសេចក្តីប្រមាថបន្តទៀត។

សេចក្តីល្អតែងតែឈ្នះសេចក្តីអាក្រក់ជានិច្ច។ ខ្ញុំតែងតែដេកលក់ជានិច្ចពីព្រោះមិនបានធ្វើអាក្រក់តបទៅវិញ ប៉ុន្តែបុគ្គលទាំងអស់នោះនឹងមិនដេកលក់ទេក៏ព្រោះតែបានបំពេញតែសេចក្តីអាក្រក់នានានោះ។

សរុបសេចក្តីមកតម្លៃសីលធម៌សង្គមជាមាគ៌ាវាស់នូវកម្រិតពុទ្ធិ គតិ សមត្ថភាព នារបស់មនុស្សក្នុងការរស់នៅនានា។ ខ្ញុំនៅតែជាខ្ញុំ បុគ្គលមិនមែនខ្ញុំបើមិនយល់មេត្តាសួរ សុ.ចិ.បុ.លិ. សូមកើតមានជានិច្ច។

ថ្ងៃពុធ ១១រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១១ ខែមេសា គ.ស.២០១៨

អនុបណ្ឌិត ឈិន សីហា
បរិញ្ញាបត្រជាន់ខ្ពស់ភាសាវិទ្យា
០១០៧៨២៥៨៩"៕